ສະພາວະຂອງນິບພານຈາກຫລັກຖານໃນພະໄຕປິດົກ

 "ນິບ­ພານ" ເປັນ­ຄຳ­ທີ່­ໃຊ້­ກັນ­ໃນ­ປັດຊະຍາ­ຫລາຍ­ລະບົບ­ໃນ­ອິນ­ເດຍ ໂດຍ­ໃຊ້­ໃນ­ຄວາມຫມາຍ­ຂອງ­ຄວາມ­ຫລຸດ­ພົ້ນ ແຕ່­ການ­ອະທິບາຍ­ກ່ຽວກັບ­ສະພາ­ວະ­ຂອງ­ນິບ­ພານ­ນັ້ນ­ແຕກ­ຕ່າງ­ກັນ­ອອກ­ໄປ ໃນ­ປັດຊະຍາ­ອຸບ­ນິ­ສັດ­ເຊື່ອ­ວ່າ ນິບ­ພານ­ຫລື­ໂມກ­ສະ ຄື­ການ­ທີ່­ອາດ­ມັນ­ຍ່ອຍ­ຫລື­ຊີ­ວາດ­ມັນ­ເຂົ້າ­ລວມ­ເປັນ­ເອກ­ພາບ­ກັບ­ພອນ­ໝັນ ແຕ່­ໃນ­ພະ­ພຸ­ທະ­ສາດສະຫນາ­ອະທິບາຍ­ວ່າ ນິບ­ພານ­ຄື­ການ­ຫລຸດ­ພົ້ນ­ຈາ­ກອະວິດ­ຊາ ຕັນ­ຫາ ຊຶ່ງ­ສະແດງ­ອອກ­ໃນ­ຮູບ­ຂອງ­ໂລ­ພະ ໂທ­ສະ ແລະ­ໂມ­ຫະ ບໍ່ໄດ້­ໝາຍ­ຄວາມ­ວ່າ­ເປັນ­ການ­ຫລຸດ­ພົ້ນ­ຂອງ­ອັດ­ຕາ­ຫລື­ຕົວ­ຕົນ­ໃນ­ໂລກ­ນີ້ ໄປ­ສູ່­ສະພາ­ວະ­ຂອງ­ນິບ­ພານ­ເຊັ່ນ­ດຽວ­ກັບ­ຄຳ­ສອນ­ອຸປະ­ນິ­ສັດ ແຕ່­ໝາຍ­ເຖິງ­ຄວາມ­ດັບ­ສະນິດ­ແຫ່ງ­ຄວາມ­ເລົ່າ­ຮ້ອນ­ແລະ­ເຄື່ອງ­ຜູກ­ພັນ­ຮ້ອຍ­ລັດ­ທັງປວງ ຊຶ່ງ­ຮຽກວ່າ­ເປັນ­ຄວາມ­ທຸກ